Im Gedenken an die Verstorbenen in der Coronapandemie
Historia Seminarii
Dr. Vitus Brander, Regens des Priesterseminars von 1926 bis 1936, hat eine lateinische Kurz-Geschichte des Seminars verfasst:
| 1567 | Ab principe-episcopo Friederico de Wirsberg Herbipoli gymnasium cum seminario pro studiosis complurium facultatum in aula "ad Fresser" institutum est sub patribus societatis Jesu regentibus. |
| 1570 | Ab eodem principe-episcopo huic seminario 40 alumni clericales attributi sunt. |
| 1584 | Per principem-episcopum Julium Echter de Mespelbrunn illi 40 alumni in aedificia universitatis nuper ample ab eo ædificata translati sunt habentes gratis mansionem, institutionem, victum. In priori seminario "ad Fresser" permanserunt studiosi philosophiae et semina-rium pro studiosis aliarum scientiarum. |
| 1589 | die 2o mensis Januarii princeps-episcopus Julius proclamatione pervulgavit se haec quattuor instituta instituisse: |
| 1631/34 | Sueci in Franconiam invaserunt et dioecesim protestanticam reddere volebant sub Bernhardo de Weimar, Saxonio. Sacerdotes fugerunt, rebus familiaribus ecclesiæ damna illata sunt, cuncta institutio quievit. |
| 1634 | die 15o mensis Octobris imperatoris copiae Herbopolim recuperaverunt, princeps-episcopus revenit. Clericorum seminarium maius multis cum laboribus restitutum est, sed ita, ut fundationes collegii Mariani cum fundationibus seminarii maioris clericorum univentur. |
| 1635-1640 | 1635-1640 alumni clericales in hospitali Julii mansionem habebant. Collegium Marianum et collegium pauperum tum perierunt. |
| 1654 | A principe-episcopo Joanne Philippo de Schönborn numerus alumnorum, qui immunitatem mansionis, victus, institutionis haberent, ad 56 constitutus est. Universitas iussa est has praestationes solvere. Ita factum est usque ad annum 1802. ab anno 1654 usque ad annum 1679 sacerdotes saeculares Bartholomei Holz-hauser in commune viventes loco Jesuitarum seminarium regebant. |
| 1679 | ab anno 1679 sacerdotes saeculares regentes perseverant. |
| 1789 | die 9o mensis Junii sub principe-episcopo Francisco-Ludovico de Erthal translatio seminarii in finitima aedificia collegii suppressae societatis Jesu facta est. Illa aedificia erant: ecclesia ad S. Michaelem Archangelum, aedis longa secundum Domerschulgasse, aedis regentina vel transversaria, aedis Borgias (nomen a S Francisco Borgia), aula ad Fresser. Nomen seminarii abinde: clericorum seminarium ad Pastorem bonum. |
| 1802 | die 22o mensis Februarii ab ultimo principe-episcopo Georgio Carolo de Fe-chenbach fundationes seminarii et universitatis novatae sunt. Aedificia seminarii et omnes possessiones patrum suppressae societatis Jesu universitati Herbipolensi incorporata sunt eis condicionibus, ut a) numerus dotationum et munerum ab universitate seminario ad instituendos alumnos solvendorum ab 56 ad 72 augeretur. Attamen eodem anno 1802 mense Novembri princeps episcopus coactus est regimen tradere electori Bavariae. Tum hostiles incursiones et in universam catholicam ecclesiam et in seminarium clericorum factae sunt. Dotatio noviter statuta ad vix tertiam partem diminuta est. Administratio electoris Bavariae regimen seminarii usurpavit. Aedificium S. Borgiae 70 conclavia contimens seminario demptum est. |
| 1806 | mense Februario Napoleo I imperium ducatus Franconiae Bavaris dempsit et transtulit ad granducem Toscanensem Fransciscum Ferdinandem fratrem imperatoris Francisci Austriaci. Is gravamina a Bavaris facta multis in rebus levavit et dotationem adeo auxit, ut saltem pro 30 alumnis satis esset. |
| 1823 | die 25o mensis Junii edicto regis Bavariae seminarium Herbipolense et Asci-burgense unitum est. historia seminarii Asciburgensis. Pace in Lunéville 1802 facta omnes regiones in sinistra ripa Rheni sitae Napo-leo imperio suo adiunxit. Ita Moguntium, sedes archiepiscopatus a S Bonifacio conditi, Franciae adiunctum est. Sed Napoleo archiepiscopo Moguntiaco Carolo Theodoro de Dalberg eam partem dioecesis Moguntiacae, quae in dextra ripa Rheni sita est, uti principatum Asciburgense tradidit. Archiepiscopus de Dalberg praeterea Ratisbonam translatus est. Cum in principatu Asciburgensi seminarium non esset, archiepiscopus de Dalberg mense Novembri 1807 Asciburgi universitatem et seminarium maius condidit. Illa uberrime dotavit ex fundationibus soppressi claustri monialium S. Benedicti in Schmerlenbach. In seminario Asciburgensi 14-20 alumni excolebantur. Exstitit usque ad annum 1823. Hoc anno alumni Asciburgenses Herbipolim translati sunt. Sed respublica denegavit episcopo Herbipolensi fundatio-nes uberrimas seminarii Asciburgensis tradere; tantum concessit praestationes anuas pro 15 alumnis e regione Asciburgensi. Administratio autem fundationum remansit Asciburgii sub gubernatore civili multis reclamationibus et precibus episcopi Herbipolensis obstantibus. |
| 1839 | Ludovicus I rex Bavariae Asciburgi seminarium minus e fundatione seminarii maioris instituit. |
| 1888 | Denique a die 11o mensis Junii 1888 universae dodationes deductis oneribus a gubernio civili Asciburgensi seminario clericorum Herbipolensi transmissi sunt. |
| 1923 | die 1o mensis Octobris 1923 universa fundatio seminarii Asciburgensis episcopo Herbipolensi ad proprietatem et administrationem tradita est. |
| 1933-45 | Seminario maiori Herbipolensi per Nationalsozialistas multa damna illata sunt. Postremo omnes alumni ad arma convocati sunt, ut aedificia vaena essent |
| 1941 | Huc ab anno 1941 episcopus Matthias Ehrenfried seminaria minora (Herbipolense et Miltenbergense) unita locavit, quorum aedificia illegitime ab Nationalsozialistis usurpata erant. |
| 1945 | Tota urbs die 16o mensis Martii incursione aeronautarum Anglorum deleta est cum cathedrali ecclesia, cura episcopi, aedificiis seminarii maioris et minoris. |
| 1948-50 | Sed ab hoc anno reædificatio initium sumpsit ita ut ab anno 1948-50 alumni rursus in reædificata seminarii maioris aedificia redire valerent. |
| 1948 | etiam aedificium Borgiae a republica seminario restitutum est. |
| 1950 | Immunitas quoque institutionis a republica restituta est. |
| 1951 | Contractu die 12o mensis Februarii facta omnia aedificia seminariorum a republica reddita sunt. |
| 1960 | Præter aedificium regentinum cetera aedificia seminarii reædificata sunt. |
Kontaktdaten
Bischöfliches Priesterseminar
"Zum guten Hirten"
Regens Stefan Michelberger
Domerschulstraße 18
97070 Würzburg
Tel.: +49 (931) 3047-0
Fax: +49 (931) 3047-499
pforte@priesterseminar-wuerzburg.de
